ازاي تبقى رئيس مصر ؟

ازاي تبقى رئيس مصر ؟
الموضوع بسيط بس لازم تلعبها صح و تكسب الشعب كله في صفك
و عشان تكسب الشعب في صفك يبقى لازم تكسب الناس اللي بيحبهم الشعب في صفك
و تعرف الشعب عايز ايه و تظبطه


بعد دراسة الشعب المصري هتكتشف انك محتاج تضم ابو تريكة و تامر حسني في صفك بأي طريقة
و توعد الشعب بأهم حاجة في حياته و هي رغيف

طيب بالنسبة لاول نقطة - ازاي اضم ابوتريكة و تامر في صفي ؟
الموضوع سهل جدا

الخطوة الاولى : اشقط هيفا
بعد ما راديو تيت صرح بالطريقة اللي انت تقدر تشقط بيها هيفاء وهبي اصبحت
مهمة انك تشقط هيفا في منتهى البساطة و هتعمل ضجة كبيرة في الصحافة و في كل
حته و هتبتدي تتشهر


الخطوة التانية
فانت بمجرد ما هتعمل الضجة اياها بتاعة نانسي و هيفاء هيبقى ليك علاقات
كتير في الوسط الفني و هيبقى ليك علاقة مع محمود سعد في البيت بيتك
و بالتالي سهل جدا انك تقابل اي حد مشهور


الخطوة التالتة
افتكس مقابلة مع تامر و اقنعه انك عايزه يعملك اغنية عشان نانسي و طبعا النجم هيوافق انه يعمل حاجة زي دي بدافع انها حاجة مجنونة
و نقي كلمات الاغنية بحيث انها تينفع تكون سياسية و عاطفية في نفس الوقت
بحي تامر ما يحسش بالمقلب - و لتكن مثلا " كل مرة باشوفك فيها بأبقى نفسي
أ---- " و بعدها الناس هتفهم ان كلمة أ ---- دي تامر كان يقصد بيها انتخبك
و لو عرفت تحط اسمك في وسط كلمات الاغنية تبقى معدي


الخطوة الرابعة
اعلن في البرامج اللي انت بتطلع فيها عن انك بتفكر كمواطن مصري شريف بيحب
بلد انه يضحي بأي حاجة عشان مصر بحيث ان الناس تبتدي تحس انك وطني و بتحب
البلد و نفسك شعب مصر يبقى احسن
فكر في حاجة وطنيه تعملها بحيث الناس تتأكد انك بتحب البلد
و دي هتكون بأنك تحضر ماتش بين مصر و الجزائر مثلا و بعد الماتش تقول مش
هنسيب حق المصريين اللي اتضربوا في الشودان حتى لو الماتش ده مكانش في
السودان



ساعتها المصريين هيحلفوا بوطنيتك
لو مفيش ماتش بين مصر و الجزائر مش مشكلة احضر اي ماتش لمصر و خلاص
بس اهم حاجة في الخطوة د ان كل حاجة بتعملها تتكتب في الجرايد و تتصور و تتذاع اكتر من مرة


الخطوة الخامسة
اول ما الاغنية تخلص تكون محضر الكليب اللي انت طالع فيه و وراك علم مصر و الشغل الكبير ده و انشره على كل حتة في الانترنت
و متنساش تكتب في الكليب كلمة " انتخبك " كل مرة تامر يوقل فيها " ا ----" و
افتح في كل منتديات الانترنت توبيك بيقول " حصريا اغنية تامر حسني الجدية
لابو السيد "
و ما تنساش كلمة حصريا و تحطه على يوتيوب و الفيس و هتلاقيه ننتشر انتشار
القمل في راس هركليز و وزع شرايط ببلاش على سواقين الميكروباص



الخطوة السادسة
بعد انتشار الاغنية اعلن انك هترشح نفسك و قول في تصريحاتك انك مسنود من جهات كبيرة برة البلد



الخطوة السابعة
اكسب حب ابو تريكة و دي سهلة جدا - كل اللي عليك انك تعرف هو بيصلي العشاء فين و تروح تقف جنبه بالصدفة البحتة المرتبة من قبلها بسنة
و تتعرف عليه و تبقوا صحاب مع الوقت و بعدها تبدأ تكلمه عن الحاجات اللي
الناس اللي من النوع ده بيحبوها اللي هي تقولله انا هبني جوامع و مستشفيات و
بتاع
بعدها هتبتدي تقنعه بانه يحط اسمك على التيشيرت في الماتشات و كمان ممكن
صورتك على التيشيرت بتاعة و كل ما هيجيب جون هيرفع الفانلة و يشاور على
صورتك
ملحوظة بالنسبة للصورة - مش هتبقى على التيشيرت اللي لابسه من تحت و بس
هتكون كمان على فانلة النادي الاهلي بس من تحت و مقلوبة بحيث انه لما يرفع الفانلة على وشة يبقى وشك منطبق على وشه بالظبط
و بالتالي يبقى انت اخترعت حركة جديدة هتلفت الانتباه في كل حتة و هتعمل ضجة كبيرة


الخطوة التامنه
احضر كل ماتشات ابو تريكة و اخترع شعارات من نوع " زي ما قال ابو السيد -
الشعب المصر شديد " و تدفع فلوس للمصور بتاع قناة الحياة بحيث انه يصورك و
انت واقف
مع المنتخب و بتغنيها مرة و يا سلام لو تكون لابس فانلة المنتخب في اللقطة و
وانت واقف و وراك الجمهور كله و انتوا بتغنوها " زي ما قال ابو السيد -
الشعب المصري شديد "
و اول اما ابو تريكة هيجيب جون و يرفع الفانلة و يشاور على اسمك زي كده


ابو تريكة متضامن مع ابو السيد


ساعتها بقى هتنطلق المدرجات بالهتاف اللي بيقول زي ما قال ابو السيد منتخب مصر شديد بصوت يرج القاهرة كلها
و بعدها هتلاقي الاغنية بتاعتك السياسية اللي عاملها تامر اشتغلت في الاستاد باعلى صوت
و الجمهور كله بيغني و هو فاهم يعني ايه اااه " كل مرة بأشوفك فيها بأبقى نفسي ااااه
و الكليب ينتشر بقى

و الجمهور كله بيقولها و هو يقصد انتخبك بس خايفين يقولوها عشان
لو ركزت في الاغنية دي هتلاقي انها تنفع تبقى سياسية بحته - حاجة كده تفكرك
بأغنية يا بلح زغلول بتاعة سيد درويش لما كان بيغني لسعد زغلول
يا سلام على زمن الفن الجميل


و ما تتفاجأش بعد كده لما تلاقي نانسي بتصرح انها بتحب ابو السيد و انها ندمانة على اللي عملته معاه
و بعدها هتلاقي هيفاء بتساند ابو السيد بأغنية عشان تتحدى نانسي
و هتروح نانسي نازلة بالالبوم اللي بتغني فيه ليك انت و بس اغاني من نوع
لما اقولك انت سيد قوللي ايييه قوللي سيد و ابن سيد و ابن سيد الله عليه
و بكده انت مش محتاج اطلاقا انك تروح تكلم شعبان عبد الرحيم عشان يعملك
اغنية لانه هيعملها لوحدة زي ما بيعمل اغنية لكل حاجة و اي حاجة
و بكده يبقى ليك اعلى شعبية حصلت في مصر
و ما تتفاجأش برضه لما تلاقي شباب مصر كلهم حاطين صورتك على الـ facebook في كل حتة
و ما تتخضش لما تلاقي ليك 100000 follower على تويتر
و ما تتفاجأش لما هيفاء تصرح بانها كانت تقصد باغنية " رجب حوش صاحبك عني "
ان ابو السيد هو رجب و صاحبك تقصد بيها الرئيس الحالي و هيفاء بتتكلم بلسان مصر

الخطوة التاسعة
كده بقى انت محتاج كام صورة كده تعبر فيها عن تواضعك و فهمك السياسي و قوتك الشخصية
و دي بسيطة - اتصور و انت بتشرب قصب - اتصور و انت بتقرى كتاب و انت قاعد فوق برج القاهرة - اتصور انت واقف مكشر زي ما يكون هتضرب حد
كده انت متواضع و مثقف و قوي الشخصية - فاضل حاجة مهمة - لازم تتصور و انت
لابسس فانلية منتخب مصر و انت بتلعب كورة في الشارع و في النادي
شوية و هتلاقي الـ facebook كله مليان من الصور بتاعتك
مبروك كده كسبت كل الشباب

سؤال مهم : هو الحكومة هتسيبك تعمل كل ده من غير ما تظبطك ؟
ما تخافش ما ينفعش الحكومة تعملك حاجة لان بعد اللي عمله تامر و ابو تريكةو نانسي و هيفاء و شعبان و جمهور الكورة و شباب الفيس بوك
لو حصلك حاجة بعد كده هتلاقي مظاهرات للركب و مش هيسكت غير لما ياخد حقك
كده ما فاضلش غير انك تتكلم بلهجة مرتضى منصور و تجيب ادلة على فساد النظام
المصري الحالي باسلوب الناس تحس فيه انك ما بتخافش من حد و يقولوا عليك
الواد ده مسنود
و هتتردد الاشاعات عن انك ليك ضهر جامد حاميك و انك مسنود من امريكا و
الحكومة المصرية هتصدق ده هي كمان و هتخاف تقربلك لانك كده مسنود من بره و
جوه يعني مش هتقع

الخطوة العاشرة
كل المطلوب دلوقتي منك انك تسوق فيها
و كل يوم تكتب مقالة سياسية و مقالة دينية و مقالة اجتماعية و مقالة عن
الفساد في جميع جرايد المعارضة و مش عيب انك تكون مأجر حد تاني يكتبهملك
اما بالنسبة للطريقة اللي انت محتاجها عشان تعرف خبايا الحكومة بسيطة جدا
انت تاخد مرتضى منصور و ابراهيم عيسى و كل الساخطين على الحكومة في صفك و
توعدهم بمناصب في الدولة بعد ما تتولاها و هتلاقي اخبار الفساد هتيجي لحد
عندك زي الرز و بتقولك اكتبني


الخطوة الحادية عشرة
كده انت فاضلك خطوة انك تبرأ نفسك من كلمة انت مسنود من امريكا عن طريق انك
تستنى اول كارثة تعملها اسرائيل و تطلع في مظاهرة و تحرق علم امريكا و
اسرائيل
و تاجر الراجل بتاع القناة الحياة اللي بيصورك و تخلي الصورة دي تتذاع في كل حتة
و يا سلام بقى لو تخللي الشعار يطلع في نفس اللقطة : " زي ما قال ابو السيد
- مش عاوزين جدار حديد " تبقى انت كده ضمنت جميع احزاب المعارضة في صفك

الخطوة الثانية عشرة
اعمل قناة تلفزيونية بتكرر فيها كلمة سيد كتير - يعني مثلا لما يكون فاصل
اعلاني تقول " سنعود يا سيد الناس " و بعدها " عدنا يا سيد الكل "
و في النشرة كل يوم اخبار ليك و صور انك بتزور دار ايتام و سرطان الاطفال و اخبار انك اتبرعت لمستشفيات و بتاع

الخطوة الثالثة عشرة
كده فاضل خطوة بقى - لازم تروح تسلم على البابا و شيخ الزهر و ترفع راية التسامح الديني
و تقول زي ما قال ابو السيد - التسامح الديني مفيد

الخطوة الرابعة عشرة
هتعمل حاجة كدة شبه حملة وقفة مصرية بس بطريقة مضادة ليها
و هتبقى اسمها " قعدة مصرية " و شعارات بقى من نوع
" قعدة مصرية - هنشرب كلنا و ما حدش قدنا - انتخب ابو السيد و الخير هيزيد "
" قعدة مصرية - هناكل كلنا و ما حدش قدنا -- انتخب ابو السيد و الخير هيزيد
هنركب كلنا - ده ابو السيد عندنا - انتخب ابو السيد و الخير هيزيد
و ما تنساش تنشر الحملة دي على القناة بتاعتك اياها

قعدة مصرية - انتخب ابو السيد و الخير هيزيد


الخطوة الخامسة عشرة
انضم لاي حزب و هما هيوافقوا انك تكون الريس بتاعهم



الحملة الانتخابية

اولا لازم تعمل الحملة الانتخابية بتاعتك بالميلودي مان بس ما تنساش تجيب بوبي جديدة عشان ما تعملكش مشاكل في الجرايد هات مدام راشا
و انشر شعارات من نوع ابو السيد يتحدى الملل قصدي الفساد
ابو السيد يتحدى غلاء الاسعار و تخلي حمزاوي يظبطلك الحملة
و ياسلام بقى لو تخلي وديع و تهامي يعملوا حملة جديدة و يكون فيها الحقيقة وراء توشكى
الحقيقة وراء الشمس ;D
و لو عايز تعرف الحقيقة لازم تروح ورا الشمس ;D
بكده هتلاقي الناس ليل نهار بتتلكم عن ابو السيد


و ما تنساش تنقي شعار مهم للفترة بتاعة الحكم بتاعتك و يكون يرضي كل طبقات المجتمع
يعني مثلا ممكن يكون الشعار هو عبارة عن كتاب محطوط فوق رغيف عيش
بحيث ان الناس الغلابة يفهموه على انك هتخليهم ياكلوا عيش و مش اي عيش ده عيش معمول باحدث الاسس العلمية
و الناس المثقفين يحسوا انك هتهتم بالعلم في كل حاجةو هتبديه على الاكل الشرب
او ممكن يفهموه على انه مثلا انك هتستخدم العلم في كل حاجة حتى في افران العيش
او ممكن يفهموه على انك تقصد ان التعليم كالماء و الهواء و العيش ما يقدرش الانسان يعيش من غيرهم
و بكده تبقى انت مسكت كل الناس


بس كده و يباركله يا معلم
و ما تنساش تعين الناس بتوعك و تعتقل كل الحكومة السابقة
و ما تنسانيش بوزارة بقى ولا حتى محافظة امسكها

ارجو الرد عليها للمزيد من مواضيعي